Filip Talo mori këtë të premte të gjitha materialet që Sigurimi i Shtetit kishte për të.
Rreth orës 18:00 ai u largua nga Autoriteti i Dosjeve i shoqëruar nga një prej punonjësve të këtij institucioni.
Talo, shok fakulteti me ish-presidentin e republikës, Ilir Meta po lakohet kohët e fundit si personi që u spiunua nga ky i fundit teksa tentonte të arratisej para viteve ‘90.
Vetë Talo ka mohuar të ketë qenë ish-presidenti Meta personi që e spiunoi. Po ashtu, Meta e quan të gjithën një lojë politike.
Por Autoriteti i Dosjeve mendon ndryshe. Në shkresën drejtuar kuvendit, ku kërkonte ndryshimin e ligjit, autoriteti thotë se për presidentin janë gjetur materiale në dosjet e ish-Sigurimit, që mund t’i kushtojnë certifikatën e pastërtisë.
Shfaq Komentet (0)
